ಹೊಳೆದದ್ದು ಹೊಳೆದಂತೆ-9

1
ಸತ್ಯವನ್ನು ಸಾರ್ವಜನಿಕವಾಗಿ ಹೇಳೋದಕ್ಕೆ ಧೈರ್ಯ ಬೇಕು. ತಾನು ಹೇಳಿದ್ದು ಸುಳ್ಳು ಎನ್ನೋದು ಅರಿವಾದಾಗ ಸಾರ್ವಜನಿಕವಾಗಿ ಅದನ್ನು ತಿದ್ದಿಕೊಳ್ಳೋದಕ್ಕೆ ದುಪ್ಪಟ್ಟು ಧೈರ್ಯ ಬೇಕು 
2
ಬದುಕು ಎಂದರೆ ಏನು? - ಇನ್ನೇನೂ ಅಲ್ಲ, ಅಂಗೈಯಲ್ಲಿ ಬೆಣ್ಣೆ ಇಟ್ಕೊಂಡು ಊರೆಲ್ಲ ತುಪ್ಪಕ್ಕಾಗಿ ಹುಡುಕಾಡೋದು
3
ಟೀಕೆ, ವಿಮರ್ಶೆ, ಆಕ್ರೋಶ ಬೆಂಕಿಯ ಕುಲುಮೆಯಿಂದ ಹೊರ ಬರೋದು ನಿಜ. 
ಆದರೆ ಅದು ತಾಳ್ಮೆ, ವಿವೇಕದ ತಿಳಿ ನೀರಿನಲ್ಲಿ ಮುಳುಗೆದ್ದಾಗಷ್ಟೇ ಸ್ಪಷ್ಟ ರೂಪವೊಂದನ್ನು ಪಡೆಯ ಬಲ್ಲದು.
4
ದೇವರ ಮೇಲೆ ಭರವಸೆಯಿಟ್ಟು ಸುಮ್ಮನಿರದಿರಿ 
ದೇವರು ನಮ್ಮ ಮೇಲೆ ಭರವಸೆ ಇಟ್ಟು ಈ ಭೂಮಿಯನ್ನು ಸೃಷ್ಟಿಸಿದ್ದಾನೆ !
5
ದೇವರಿದ್ದಾನೆ ಎನ್ನೋದು ನಂಬಿಕೆ ಎಂದಾದರೆ, ದೇವರಿಲ್ಲ ಎನ್ನೋದು ಒಂದು ನಂಬಿಕೆಯೇ ಆಗಿದೆ. 
6
ವಿಧವೆ ಎನ್ನೋದು ಹೆಣ್ಣಿನ ನಡುವೆ ಬ್ರಾಹ್ಮಣ ಧರ್ಮ ಸೃಷ್ಟಿಸಿದ ಇನ್ನೊಂದು ಜಾತಿ.
7
ಗೆಡ್ಡೆ ಗೆಣಸು ಅಗೆಯುವ ಕಾಲದಲ್ಲಿ ಯಾರೂ ಬಡವರಿರಲಿಲ್ಲ. 
ಯಾವಾಗ ಚಿನ್ನ ಅಗೆಯಲಾರಂಭಿಸಿದನೋ, ಮನುಷ್ಯರೊಳಗೆ ಬಡವ ಹುಟ್ಟಿದ. 
8
ದೇವರು ಶ್ರೀಮಂತವಾದ ಭೂಮಿಯನ್ನು ಸೃಷ್ಟಿಸಿದ. ಮನುಷ್ಯ ದೇವರಿಗೆ ಸವಾಲು ಹಾಕುವವನಂತೆ ಬಡವನನ್ನು ಸೃಷ್ಟಿಸಿದ