Thursday, August 23, 2012

ಆತ್ಮಕತೆ ಎಂದರೆ...

 ಆತ್ಮಕತೆ ಎಂದರೆ
ಸ್ವಯಂ ಇರಿದುಕೊಳ್ಳುವುದು...
ಮುಖವನ್ನು ಚರ್ಮದಂತೆ
ಅಂಟಿಕೊಂಡ ಹೆಸರನ್ನು
ಹರಿದುಕೊಳ್ಳುವುದು!

ಇನ್ನೂ ದೇಹದ ದಾಹವೇ
ಮುಗಿಯದೇ ಇರುವಾಗ
ಈ ಹಿತವಾದ ಸುಳ್ಳು ಜಗತ್ತನ್ನು
ಬಲಿಕೊಟ್ಟು
ನನ್ನ ಆತ್ಮದ ದಾಹವನ್ನು ಹೇಗೆ ತಣಿಸಲಿ?

ನಾನು ಬರೆಯಬೇಕಾಗಿರುವುದು
ಮೊದಲ ಒಂದು ಸಾಲು...
ನನಗೆ ಗೊತ್ತು, ಅದನ್ನು ಬರೆದು ಬಿಟ್ಟರೆ
ಉಳಿದೆಲ್ಲವನ್ನೂ ನೀವೆ ಬರೆದು
ನಿಮಿಷಾರ್ಧದಲ್ಲಿ ಮುಗಿಸಿ ಬಿಡುತ್ತೀರಿ...

ಬರೆಯಬೇಕಾಗಿರುವ ಮೊದಲ 

ಒಂದೇ ಒಂದು ಸಾಲು ನಾನು
ಬರೆಯುವುದಕ್ಕೆ ಸಮರ್ಥನಾದರೆ
ಉಳಿದುದೆಲ್ಲ ನಿಮಿಷಾರ್ಧದಲ್ಲಿ
ಮುಗಿದು ಹೋಗುತ್ತದೆ....

ಆದರೆ ನಿಮಗೇನು ಗೊತ್ತು?
ಆ ಒಂದು ಸಾಲನ್ನು ಅಲ್ಲಾಡಿಸಿದರೆ
ನಾನೀವರೆಗೆ ಕಟ್ಟಿ ನಿಲ್ಲಿಸಿರುವ
ಈ ಬದುಕೆಂಬ ಸುಳ್ಳು ಕಟ್ಟಡ
ದಢಾರನೆ ಉರುಳಿ ಬೀಳುವುದು?
ಅದರ ಧೂಳಿನೊಳಗೆ
ನನ್ನ ಜೊತೆ ಜೊತೆಗೇ
ನೀವು ಧಫನವಾಗುವ ಭಯ ನನಗೆ

ನನ್ನ ಜೊತೆ ಸರ್ವನಾಶವಾಗುವುದಕ್ಕೆ
ಸಿದ್ಧರಿದ್ದರೆ ಹೇಳಿ ಬಿಡಿ
ನನ್ನ ಆತ್ಮಕತೆಯ ಮೊದಲ ಸಾಲನ್ನು
ನಿಮ್ಮೆದೆಯ ಮೇಲೆ ನಾನು
ಚೂರಿಯಿಂದ ಕೆತ್ತಿಯೇ ಬಿಡುವೆ!


ಚಿತ್ರ ಕೃಪೆ: www.myclassiclyrics.com

2 comments:

  1. wow athma kathe bareyoru endanna odidare kandita vagiyu bareyodakke edurtare.

    illi varegu bandi ro atma-khate galella barii kate khate gale hagi, sathya vemba bambu
    pennemba bana ke, inkagi bandaga
    mityadalli naluguva
    battalike inda hora bandda
    yava bhna vannu chidrisade bidadu
    aaga ella gopura chidra chidra

    so nice

    ReplyDelete