Sunday, April 15, 2012

ಅಂಗೈಯಲ್ಲಿ ಆಕಾಶ!


ಮಿಂಚಿ ಮಾಯವಾಗುವ ಕೆಲವು ಕ್ಷಣಗಳು, ಘಟನೆಗಳು, ದೃಶ್ಯಗಳು, ಮಾತುಗಳು, ಸಾಲುಗಳು ಜೀವದ ಕೊನೆಯ ಉಸಿರಿನವರೆಗೂ ಮುಳ್ಳಿನಂತೆ ಕಚ್ಚಿ ಹಿಡಿದು ಬಿಡೂದಿದೆ. ಸಣ್ಣದಾದದ್ದು ನಮ್ಮೊಳಗೆ ಆಕಾಶದಂತೆ ಕೆಲವೊಮ್ಮೆ ಹರಡುತ್ತಾ ಹೋಗುವ ವಿಸ್ಮಯಕ್ಕೆ ನೀವೂ ಸಿಲುಕಿರಬಹುದು. ಇಲ್ಲಿನ ಕತೆಗಳಲ್ಲಿ ಅಂತಹ ಸಣ್ಣ ಸಣ್ಣ ಕ್ಷಣಗಳನ್ನು ಹಿಡಿದಿಡುವ ಪ್ರಯತ್ನವನ್ನು ಮಾಡಿದ್ದೇನೆ. ಒಂದು ದೊಡ್ಡ ಕಾದಂಬರಿಯೇ ಆಗುವ ವಸ್ತುವೂ ಕೆಲವು ಹನಿಗಳಲ್ಲಿದೆ. ಅದನ್ನು ಬರಹದಲ್ಲಿ ಬೆಳೆಸುವ ಧೈರ್ಯ ಸಾಲದೆ, ಇದ್ದ ಹಾಗೆಯೇ ನಿಮ್ಮ ಮುಂದೆ ಇಟ್ಟಿದ್ದೇನೆ. ಕೆಲವೊಮ್ಮೆ ನನ್ನೊಳಗಿನ ಪತ್ರಕರ್ತನ ಅವಸರವೂ, ಜನ್ಮತಹ ನನ್ನ ಹಕ್ಕಾಗಿರುವ ಅಶಿಸ್ತು, ಮತ್ತು ಸೋಮಾರಿತನವೂ ಈ ಪುಟ್ಟ ಕತೆಗಳನ್ನು ಬರೆಸಿರುವ ಸಾಧ್ಯತೆ ಇರಬಹುದೇನೋ ಎಂಬ ಅನುಮಾನವೂ ಕಾಡಿದ್ದಿದೆ. ಏನೇ ಇರಲಿ, ಈ ಅಂಗೈಯ ಹನಿಗಳು ನಿಮ್ಮೊಳಗೂ ಆಕಾಶದಂತೆ ವಿಸ್ತರಿಸಿದರೆ, ನನ್ನ ಮತ್ತು ಅಹರ್ನಿಶಿ ಪ್ರಕಾಶನದ ಪ್ರಯತ್ನ ಸಾರ್ಥಕ.

2 comments:

  1. ಧನ್ಯವಾದಗಳು ಬಶೀರ್ ಅವರೇ. ಪುಸ್ತಕ ಬಿಡುಗಡೆಯಾಗಿದೆಯಾ??

    ReplyDelete