ಗುಜರಿ ಅಂಗಡಿ: ಅಮ್ಮನ ಕೊಳಲು

Sunday, February 5, 2012

ಅಮ್ಮನ ಕೊಳಲು

ಮೊನ್ನೆ ಕೊಳಲು ವಾದನ
ಕಾರ್ಯಕ್ರಮಕ್ಕೆ ಹೋಗಿದ್ದೆ....
ತನ್ನ ಉಸಿರಿಂದ ನಾದವನ್ನು
ಹೊರಹೊಮ್ಮಿಸುವ ಆತನ
ಯತ್ನವ ಕಂಡು
ನನಗೆ ನನ್ನ ತಾಯಿಯ ನೆನಪಾಯಿತು

ಅಡುಗೆ ಮನೆಯ ಒಲೆಯ ಮುಂದೆ
ಈ ಬಿದಿರಿನ ಕೊಳವೆಯಂತಹದೆ
ಕಬ್ಬಿಣದ ಕೊಳವೆಯನ್ನು ಆಕೆ ಊದುತ್ತಿದ್ದರೆ
ನಾದವೊಂದು ಹೊರಹೊಮ್ಮುತಿತ್ತು
ಆಕೆಯ ಬೆನ್ನಿಗೆ ಆತುಕೊಂಡು
ನಾನದನ್ನು ಸವಿಯುತ್ತಿದ್ದೆ

ಮಲಗಿದ ಹಾವು ಥಕ್ಕನೆ
ಹೆಡೆ ಬಿಚ್ಚಿದಂತೆ
ಆ ನಾದಕ್ಕೆ ಹಸಿಸೌದೆ
ಧಗ್ಗನೆ ಹೊತ್ತಿಕೊಳ್ಳುತ್ತಿತ್ತು

ಕಬ್ಬಿಣದ ಕೊಳಲ ಊದಿ
ನನ್ನೆದೆಯಲ್ಲಿ ಬೆಂಕಿ ಹಚ್ಚಿದ
ನನ್ನಮ್ಮನ ನೆನಪಿನ ನಾದದ ಮುಂದೆ
ಈ ವಿದ್ವಾಂಸನ ಕೊಳಲು
ಬರೇ ಹಸಿ ಸೌದೆ

1 comment:

SathyaFebruary 5, 2012 at 11:47 PM
Basheer, nimma putta putta barahagalu namma edeyalli benki hachuttave. adakkaagi vandanegalu...
ReplyDelete
Replies

Add comment

Subscribe to: Post Comments (Atom)

ಬಿತ್ತಿದ ಬೀಜ

ವಾಗ್ವೈಭವ ಅಪಾಯಕಾರಿ. ಅದು ಸಮೂಹವನ್ನು ಉದ್ರೇಕಗೊಳಿಸೋದಕ್ಕಾಗಿ ರೂಪಿತವಾದದ್ದು. ಸುಳ್ಳುಗಳ ಕೇಳಿಸಿಕೊಳ್ಳುತ್ತಾ ಬದುಕೋದು ಸಾಮಾನ್ಯವಾಗಿ ಎಲ್ಲರಿಗೂ ಕ್ಷೇಮವೆನಿಸುತ್ತದೆ. ಹಿತವೆನಿಸುತ್ತದೆ. ಆದರೂ ಜನರ ಆತ್ಮ ಸತ್ಯಕ್ಕಾಗಿ ಹಸಿದಿರುತ್ತದೆ. ಆದ್ದರಿಂದ ನಾವು ನಮ್ಮ ಅತ್ಯಂತ ಏಕಾಂಗಿತನದಲ್ಲಿ ನಾವೇ ನಂಬಿದ್ದನ್ನು ಹೇಳುವ ಧೈರ್ಯ ಮಾಡಬೇಕು.
-ಡಾ. ಯು. ಆರ್. ಅನಂತಮೂರ್ತಿ

ಋಣಿ

ಇಲ್ಲಿರುವ ನನ್ನ ಬರಹಗಳಿಗೆ ಪೂರಕವಾಗಿ ಬಳಸಿಕೊಂಡಿರುವ ಯಾವುದೇ ಪೇಂಟಿಂಗ್, ಚಿತ್ರ, ಫೋಟೋ ನನ್ನವಲ್ಲ. ಗೂಗಲ್ ಸರ್ಚ್ ಮೂಲಕ ಅಥವಾ ಬೇರೆ ಬೇರೆ ವೆಬ್ ಸೈಟ್ ಗಳಿಂದ ಎರವಲು ಪಡೆದಿರೋದು. ಈ ಚಿತ್ರಗಳು ನನ್ನ ಬರಹಗಳ ತೂಕವನ್ನು ಹೆಚ್ಚಿಸಿವೆ. ಅದಕ್ಕಾಗಿ ಆ ಅನಾಮಿಕ ಕಲಾವಿದರಿಗೆ ಚಿರ ಋಣಿಯಾಗಿದ್ದೇನೆ.