ಗುಜರಿ ಅಂಗಡಿ: ಒಂದಿಷ್ಟು ಪದಗಳು

Tuesday, March 4, 2014

ಒಂದಿಷ್ಟು ಪದಗಳು

1
ನಂಬಿಕೆ!

ಅಪರಿಚಿತ
ಕ್ಷೌರಿಕನ ಕತ್ತಿಗೆ
ಒಂದಿಷ್ಟು ಆತಂಕವಿಲ್ಲದೆ
ಕತ್ತು ಕೊಡೂದು

2
ಕವಿತೆ

ಕವಿತೆ ಎಂದರೆ
ಎದೆಗೆ ಚುಚ್ಚಿಕೊಂಡ
ಕಾಣದ ಮುಳ್ಳು
ಒತ್ತಾಯದಿಂದ ಹೊರಗೆಳೆಯ
ಹವಣಿಸಿದರೆ
ಕೈಗೆ ಸಿಗೋದು ಬರಿದೆ ನೋವು
ತಾನೇ ಮಾಗಿ
ಹಣ್ಣಾಗಿ ಒಡೆಯಬೇಕು
ಸಹಜವಾಗಿ ಹೊರಬರಬೇಕು
ಕೀವು

3
ಹೆಜ್ಜೆ

ಉದುರಿದ ಕಂಬನಿ
ಮತ್ತೆ ಕಣ್ಣ ಸೇರದು
ಗೆಳತಿ,
ಹೆಜ್ಜೆ ಮುಂದಿಡುವ
ಮುನ್ನ ಇನ್ನೊಮ್ಮೆ
ಯೋಚಿಸಬಾರದೇ ?

4
ಮಿತ್ರರು

ಬಾಣ ಎಸೆದದ್ದು
ಶತ್ರುವಿನ ಕಡೆಗೆ
ಆದರೆ ನನ್ನ ದುರ್ವಿಧಿಯೇ
ಅದು ಇರಿಯುತ್ತಾ
ಹೋದದ್ದು ನನ್ನ
ಮಿತ್ರರ ಎದೆಯನ್ನೇ....

1 comment:

nenapina sanchy indaMarch 4, 2014 at 10:10 PM
naalakkoo padagaLu chennaagive
malathi S
ReplyDelete
Replies

Add comment

Subscribe to: Post Comments (Atom)

ಬಿತ್ತಿದ ಬೀಜ

ವಾಗ್ವೈಭವ ಅಪಾಯಕಾರಿ. ಅದು ಸಮೂಹವನ್ನು ಉದ್ರೇಕಗೊಳಿಸೋದಕ್ಕಾಗಿ ರೂಪಿತವಾದದ್ದು. ಸುಳ್ಳುಗಳ ಕೇಳಿಸಿಕೊಳ್ಳುತ್ತಾ ಬದುಕೋದು ಸಾಮಾನ್ಯವಾಗಿ ಎಲ್ಲರಿಗೂ ಕ್ಷೇಮವೆನಿಸುತ್ತದೆ. ಹಿತವೆನಿಸುತ್ತದೆ. ಆದರೂ ಜನರ ಆತ್ಮ ಸತ್ಯಕ್ಕಾಗಿ ಹಸಿದಿರುತ್ತದೆ. ಆದ್ದರಿಂದ ನಾವು ನಮ್ಮ ಅತ್ಯಂತ ಏಕಾಂಗಿತನದಲ್ಲಿ ನಾವೇ ನಂಬಿದ್ದನ್ನು ಹೇಳುವ ಧೈರ್ಯ ಮಾಡಬೇಕು.
-ಡಾ. ಯು. ಆರ್. ಅನಂತಮೂರ್ತಿ

ಋಣಿ

ಇಲ್ಲಿರುವ ನನ್ನ ಬರಹಗಳಿಗೆ ಪೂರಕವಾಗಿ ಬಳಸಿಕೊಂಡಿರುವ ಯಾವುದೇ ಪೇಂಟಿಂಗ್, ಚಿತ್ರ, ಫೋಟೋ ನನ್ನವಲ್ಲ. ಗೂಗಲ್ ಸರ್ಚ್ ಮೂಲಕ ಅಥವಾ ಬೇರೆ ಬೇರೆ ವೆಬ್ ಸೈಟ್ ಗಳಿಂದ ಎರವಲು ಪಡೆದಿರೋದು. ಈ ಚಿತ್ರಗಳು ನನ್ನ ಬರಹಗಳ ತೂಕವನ್ನು ಹೆಚ್ಚಿಸಿವೆ. ಅದಕ್ಕಾಗಿ ಆ ಅನಾಮಿಕ ಕಲಾವಿದರಿಗೆ ಚಿರ ಋಣಿಯಾಗಿದ್ದೇನೆ.