ಗುಜರಿ ಅಂಗಡಿ: ಪ್ರಾರ್ಥನೆ ಅಂದರೆ

Monday, November 25, 2013

ಪ್ರಾರ್ಥನೆ ಅಂದರೆ

ಪ್ರಾರ್ಥನೆ ಅಂದರೆ
ಏನು ದೊರೆಯೇ,
ಕಣ್ಣೀರಲ್ಲದೆ
ಇನ್ನೇನು?
೨
ಪ್ರಾರ್ಥನೆಗೂ
ಒಂದು ರುಚಿಯಿದೆ
ಎನ್ನೋದು ತಿಳಿಯಿತು
ನನ್ನ ದೊರೆಯೇ,
ನನ್ನ ಕಣ್ಣೀರ ಉಪ್ಪು
ತುಟಿಯನ್ನು ಸೋಕಿದಾಗ
೩
ಪಂಡಿತರ ಮಂತ್ರಗಳ
ಸದ್ದುಗಳ ನಡುವೆ
ನನ್ನ ಕಣ್ಣೀರ ಹನಿಯೊಂದು
ನೆಲಕ್ಕೆ ಬಿದ್ದು ಒಡೆದ ಸದ್ದು
ನಿನಗೆ ಕೇಳಿಸಲಿಲ್ಲವೇ
ನನ್ನ ದೊರೆಯೇ?
೪
"ಹೋ ಪ್ರಾರ್ಥನೆಯ ಹೊತ್ತಾಯಿತು"
ಯಾರೋ ಚೀರಿದರು
ನನ್ನ ದೊರೆಯೇ,
ಇದು ನನ್ನ ಉಣ್ಣುವ ಹೊತ್ತು
ನಿಜ ಭಕ್ತನಿಗೆ
ಉಣ್ಣೂದು ಪ್ರಾರ್ಥನೆಯೇ
೫
ಮಸೀದಿಯಲ್ಲಿ
ಅಜಾನ್ ಕೇಳುತ್ತಿದೆ
ನನ್ನ ದೊರೆಯೇ,
ಮಹಮ್ಮದರ ಹೆಗಲಿಗೆ
ಕಾಲಿಟ್ಟು
ಕಾಬದ ನೆತ್ತಿಯನ್ನು ಏರಿದ
ಬಿಲಾಲ್ ನೆನಪಾದರು

3 comments:

V.J.K. NAIRNovember 25, 2013 at 7:02 AM
A very good meaningfull peom, which itself is like a prayer
ReplyDelete
Replies
sunaathNovember 26, 2013 at 11:37 AM
ಕವನ ಸೊಗಸಾಗಿದೆ. ಆದರೆ ಕಾಬಾದ ನೆತ್ತಿಯನ್ನು ಏರಿದ ಬಿಲಾಲರು ಯಾರು ಎಂದು ತಿಳಿಯಲಿಲ್ಲ, ಸ್ವಲ್ಪ ವಿವರಿಸುವಿರಾ?
ReplyDelete
Replies
B.M.BASHEERNovember 28, 2013 at 3:15 AM
ಬಿಲಾಲ್ ಒಬ್ಬ ನಿಗ್ರೋ ಆಗಿದ್ದರು. ಗುಲಾಮ ನಾಗಿದ್ದಾಗ ಮಹಮ್ಮದರ ಅನುಯಾಯಿ ಯಾಗಿದ್ದರು. ಮಹಮ್ಮದರು ಬಳಿಕ ಅವನ ಗುಲಾಮತನದಿಂದ ಬಿಡುಗಡೆ ಗೊಳಿಸಿದರು. ಮಹಮ್ಮದರ ಮೊತ್ತ ಮೊದಲ ನೀಗ್ರೋ ಅನುಯಾಯಿ ಬಿಲಾಲ್. ಮೊತ್ತ ಮೊದಲ ಬಾರಿಯ ಆಜಾನ್ ಕರೆಯನ್ನು ನೀಡುವ ಅವಕಾಶವನ್ನು ಮಹಮ್ಮದರು ಬಿಲಾಲ್ ಗೆ ನೀಡಿದರು. ಕಾಬಾ ಭವನದ ಮೇಲೆ ಹತ್ತಿ ಆಜಾನ್ ಅಥವಾ ಪ್ರಾರ್ಥನೆಯ ಕರೆ ನೀಡಿ ಎಂದು ಮಹಮ್ಮದರು ಹೇಳಿದರು. ಬಿಲಾಲ್ ಗೆ ಕಾಬಾ ಭವನವನ್ನು ಹತ್ತಲು ಕಷ್ಟವಾದಾಗ ಮಹಮ್ಮದರು ತನ್ನ ಹೆಗಲನ್ನು ಚಾಚಿದರು. ಮಹಮ್ಮದರ ಹೆಗಲ ಮೇಲೆ ಕಾಲಿಟ್ಟು ಕಾಬಾ ಭವನ ಹತ್ತಿ ಬಿಲಾಲ್ ಮೊತ್ತ ಮೊದಲ ಅಜಾನ್ ಕರೆಯನ್ನು ನೀಡಿದರು
ReplyDelete
Replies

Add comment

Subscribe to: Post Comments (Atom)

ಬಿತ್ತಿದ ಬೀಜ

ವಾಗ್ವೈಭವ ಅಪಾಯಕಾರಿ. ಅದು ಸಮೂಹವನ್ನು ಉದ್ರೇಕಗೊಳಿಸೋದಕ್ಕಾಗಿ ರೂಪಿತವಾದದ್ದು. ಸುಳ್ಳುಗಳ ಕೇಳಿಸಿಕೊಳ್ಳುತ್ತಾ ಬದುಕೋದು ಸಾಮಾನ್ಯವಾಗಿ ಎಲ್ಲರಿಗೂ ಕ್ಷೇಮವೆನಿಸುತ್ತದೆ. ಹಿತವೆನಿಸುತ್ತದೆ. ಆದರೂ ಜನರ ಆತ್ಮ ಸತ್ಯಕ್ಕಾಗಿ ಹಸಿದಿರುತ್ತದೆ. ಆದ್ದರಿಂದ ನಾವು ನಮ್ಮ ಅತ್ಯಂತ ಏಕಾಂಗಿತನದಲ್ಲಿ ನಾವೇ ನಂಬಿದ್ದನ್ನು ಹೇಳುವ ಧೈರ್ಯ ಮಾಡಬೇಕು.
-ಡಾ. ಯು. ಆರ್. ಅನಂತಮೂರ್ತಿ

ಋಣಿ

ಇಲ್ಲಿರುವ ನನ್ನ ಬರಹಗಳಿಗೆ ಪೂರಕವಾಗಿ ಬಳಸಿಕೊಂಡಿರುವ ಯಾವುದೇ ಪೇಂಟಿಂಗ್, ಚಿತ್ರ, ಫೋಟೋ ನನ್ನವಲ್ಲ. ಗೂಗಲ್ ಸರ್ಚ್ ಮೂಲಕ ಅಥವಾ ಬೇರೆ ಬೇರೆ ವೆಬ್ ಸೈಟ್ ಗಳಿಂದ ಎರವಲು ಪಡೆದಿರೋದು. ಈ ಚಿತ್ರಗಳು ನನ್ನ ಬರಹಗಳ ತೂಕವನ್ನು ಹೆಚ್ಚಿಸಿವೆ. ಅದಕ್ಕಾಗಿ ಆ ಅನಾಮಿಕ ಕಲಾವಿದರಿಗೆ ಚಿರ ಋಣಿಯಾಗಿದ್ದೇನೆ.